樓下搬樓上

昨天9:00開始搬屋，由6樓搬上28樓， 以琳早幾天已撤退到天水圍，
以心昨天晨早才由嫲嫲帶走，12時半已順利完成搬到，
我同嘉倫吃過午飯，便埋頭苦幹收拾，新屋雖然比舊的大了31呎，
由於間隔不同，傢俱擺放合位，看起來好似大了很多，
走動空間亦大了很多，而且個海景亦比樓下好，仲可以望到澳門，
原來高些真的可以望得遠些！

直到晚上都未收拾好，唯有讓兩姊妹住多一晚，
今早同了弟兄姊妹吃早餐，便回家繼續努力，返不到教會，
晚上收拾清潔後，兩姊妹回來都很興奮！
唔知她們慣不慣呢？
我們都要考慮一下買屋，因為經常搬屋對小朋友都是不太好。